Şölə Ələkbərova

Bakı Dövlət Universitetinin Hüquqşünaslıq fakültəsini bakalavr və magistr pillələri üzrə bitirib. Azərbaycan Respublikasının Prezidenti yanında Dövlət İdarəçilik Akademiyasında “Dövlət idarəetməsi” fakültəsində əlavə magistr təhsili alıb. Kanadanın “Erickson Coaching International” Məktəbinin “The Art & Science of Coaching” üzrə Sertifikasiya proqramını başa vurub. İdarəetmə, liderlik üzrə müxtəlif xarici və yerli təhsil proqramlarında iştirak edib.Əmək fəaliyyətinə 2005-ci ildə ATƏT-in Bakı ofisində hüquqşünas kimi başlayıb. 2007-2014–cü illərdə Azərbaycan Respublikasının Qiymətli Kağızlar üzrə Dövlət Komitəsində İnsan resurslarının idarə edilməsi şöbəsinin müdiri işləyib. 2014-2017-ci illərdə “Modern Şirkətlər Qrupu”nun İnsan resurslarının idarə edilməsi və Administrativ departamentinin rəhbəri olub. 2017-2020-ci illərdə Azərbaycan Beynəlxalq Bankının İnsan resurslarının idarə edilməsi və təşkilati işlər departamentinin direktoru vəzifəsində çalışıb. Hazırda həmin bankın Təşkilati işlər və metodologiya departamentinin rəhbəridir.2014-cü ildən Azərbaycan Respublikasının Prezidenti yanında Dövlət İdarəçilik Akademiyasının Magistratura bölməsinin müəllimidir. Müstəqil təlimçi və kouç kimi fəaliyyət göstərir.2013-cü ildə Azərbaycan Respublikası Prezidentinin Sərəncamı ilə “Dövlət qulluğunda fərqlənmə medalı” ilə təltif edilib.